ቢሮው በሀገራችን ብሎም በክልላችን የተጀመረውን የመደመር ጉዞአችንን በማፋጠን ሀገራችን የመጀመሪያ ደረጃ መካከለኛ ገቢ ካላቸው ሀገሮች ተርታ ለማሰለፍ በሚደረገው ጥረት ውስጥ ወሳኙን ድርሻ ይዞ እየሰራ ይገኛል፣

ይሁን እንጂ በፀረ-ኪራይ ሰብሳቢነት አመለካከትና ተግባራት ላይ ትግል በማድረግ፣ በመልካም አስተዳደር እርካታን በማረጋገጥና የትራንስፎርሜሽን አጀንዳዎችን በላቀ ደረጃ በማሳካት በየደረጃው የህዝብ ተጠቃሚነትን ማረጋገጥ አላማው አድርጎ እየሰራ ቢሆንም፣ የሚስተዋለውን የመልካም አስተዳደር ችግሮች ላይ መሰረታዊ ለውጥ ለማምጣት ብርቱ ስራ የሚጠበቅ መሆኑን አውቆ ለመፍታት ጥረት እያደረገ ይገኛል፡፡

የማምረቻ ኢንዱስትሪውን በማስፋፋት መዋቅራዊ ሽግግሩን በማፋጠን፣ ለዜጎች ሰፊ የሥራ ዕድል በመፍጠር፣ የነጻ ገበያ መርህ የተከተለ ንግድና ግብይት በማስፋፋት፣ የአምራቹን፣ የሸማቹንና የንግዱን ማህበረሰብ ተጠቃሚነት በማረጋገጥ፣

ሀገራችን የጀመረችውን የብልፅግና ጉዞ ለማፋጠን በንግድና በግብይት ዘርፍ ህጋዊና ዘመናዊ የአሰራር ሥርዓት በመዘርጋት፤ ምቹ የንግድ ስርዓት እና ጤናማ የገበያ ዉድድርን በመፍጠር የነፃ ገበያ ኢኮኖሚ ልማትን ለማረጋገጥ በ2013 በጀት ዓመት ዘጠኝ ወር በሴክተሩ የደረጃው የተጣሉ ግቦችን ከማሳካት ረገድ ቅንጅታዊ አሰራሮችን በማጠናከር ፣ የመፈፀምና የማስፈፀም አቅም ከመገንባት፣ ወቅቱን የጠበቀ ድጋፋዊ ክትትል ከማድረግና ግብረ-መልስ ከመስጠት ረገድ በበጀት ዓመቱ በርካታ ሥራዎች ታቅደው ተከናውነዋል፡፡ ከዚህም የተነሳ በበጀት ዓመቱ የታቀዱ የልማትና መልካም አስተዳደር ግቦችና ተግባራት አበረታች አፈፃፀም  አስገኝቷል፡፡